| 1 | ཁྱེད་རང་ལ་ཐུགས་རྗེ་ཆེ་ཞུ་གི་ཡོད། | I thank you. |
| 2 | ཐུགས་རྗེ་ཆེ། བཀའ་དྲིན་ཆེ། | Thank you, so kind of you! |
| 3 | ཨོ། དགོངས་དག ལམ་ཀ་གཏང་རོགས་གནང་། | Oh, I’m sorry, please let me pass! |
| 4 | རྒྱ་གར་ལ་ཕྱག་ཕེབས་གནང་བྱུང་། | Welcome to India! |
| 5 | གྲོགས་པོ་ལགས། བཀྲ་ཤིས་བདེ་ལེགས། | Hello, (dear) friend! |
| 6 | རྒན་ལགས། སྔ་དྲོ་བདེ་ལེགས། | Good morning, (dear) teacher! |
| 7 | སྐུ་གཞོགས་ལགས། ཞོགས་པ་བདེ་ལེགས། | Good morning, (dear) sir! |
| 8 | ཨ་ཅག་ལགས། ཉིན་གུང་བདེ་ལེགས། | Good afternoon, (dear) sister! |
| 9 | དགོང་དྲོ་བདེ་ལེགས། རྨོ་ལགས། | Good evening, (dear) grandmother! |
| 10 | སྐུ་གཞོགས་ལགས། གཟིམ་འཇགས་གནང་གོ། | Good night, respected sir! |
| 11 | བཞུགས་གདན་འཇགས་གོ། སང་ཉིན་མཇལ་ཡོང་། | Goodbye! (HH) See you tomorrow! (H) |
| 12 | ག་ལེར་བཞུགས་རོགས་གནང་། རྗེས་ལ་མཇལ་ཡོང་། | Goodbye, see you later! (H) |
| 13 | བཀྲ་ཤིས་བདེ་ལེགས། ག་པར་ཕེབས་ག | Hi, where are you going? (H) |
| 14 | ཝེ་གྲོགས་པོ། ག་པར་འགྲོ་ག | Hey, my friend, where are you going? |
| 15 | བློ་བཟང་། ག་པར། | Lobsang, what’s up? |
| 16 | རིན་པོ་ཆེ། བཞུགས་གདན་འཇགས་གོ། | Good bye, Rinpoche! (H) |
| 17 | སྐུ་གཞོགས་ལགས། ག་ལེར་ཕེབས་རོགས་གནང་། རྗེས་མ་མཇལ་ཡོང་། | Goodbye, dear respected sir, see you next time! |
| 18 | རྒན་ལགས། ག་ལེར་བཞུགས་རོགས་གནང་། སང་ཉིན་འཛིན་གྲྭ་ལ་མཇལ་ཡོང་། | Goodbye professor, see you tomorrow in class! (H) |
| 19 | ག་ལེར་ཕེབས། ལམ་ཀ་ལ་ཅག་པོ་བྱེད། | Bye, be careful on your way! |
| 20 | ག་ལེར་བཞུགས། སང་ཉིན་མཇལ་ཡོང་། | Bye, I will see you tomorrow! |
| 21 | ང་འགྲོ་གི་ཡིན་ད། བཞུགས་ཨ། | Bye, I’m leaving! |
| 22 | ཁོང་སྐུ་གཟུགས་ཐང་པོ་ཡོད་རེད། | (S)He is healthy (his/her body is healthy). |
| 23 | ཁོ་གཟུགས་པོ་རིང་པོ་ཡོད་རེད། | He is tall. |
| 24 | ཁྱེད་རང་སྐུ་གཟུགས་བདེ་པོ་ཡིན་པས། | How are you? (H) |
| 25 | དེང་སང་མོ་བདེ་པོ་ཨོ་ཙམ་རེད། | These days, she is not bad. |
| 26 | ཐུགས་ཆེ་གནང་། ང་ཡང་བདེ་པོ་བདེ་རྐྱང་ཡིན། | Thank you, I’m also perfectly well. |
| 27 | ཁ་སང་ཁྲོམ་ལ་ངའི་གྲོགས་མོ་ཐུག་སོང་། | Yesterday, I met my friend at the market. |
| 28 | དེ་རིང་ལམ་ཀ་ལ་ངའི་རྒན་ལགས་མཇལ་སོང་། | Today, I met my teacher on the street. (H) |
| 29 | ཁྱེད་རང་མཇལ་ནས་སེམས་པ་དགའ་བྱུང་། | It was my pleasure to meet you! (H) |
| 30 | ང་བོད་ལ་འགྲོ་མ་མྱོང་། | I have never been to Tibet. |
| 31 | ང་བོད་སྐད་སློབ་སྦྱོང་བྱེད་ཀྱི་ཡོད། | I study Tibetan language. |
| 32 | ཐུགས་རྗེ་ཆེ། བཀའ་དྲིན་ཆེ། གའི་གནང་གི་མ་རེད། | Thank you very much, so kind of you! – No worries! (H) |
| 33 | ངས་སྒོ་བརྒྱབ་ན་འགྲིག་གི་རེད་པས། འགྲིག་གི་རེད། | May I close the door? – It’s fine. |
| 34 | ཐུགས་རྗེ་ཆེ་རྒན་ལགས། ལགས་སོ། | Thank you, dear teacher! – All right. |
| 35 | ཕེབས་ཨ། གཟབ་གཟབ་བྱེད་ཨ། | Bye, take care! |
| 36 | འཛིན་ཁང་ནང་ལ་པར་འདུག | There are pictures in the classroom. |
| 37 | ང་ལ་པར་ཆས་མེད། | I don’t have a camera. |
| 38 | ངའི་ལུང་པ་བོད་རེད། | My land is Tibet. |
| 39 | ང་སེམས་ཅན་ལ་དགའ་པོ་ཡོད། | I like/love animals. |
| 40 | ང་ཚོའི་སློབ་གྲྭ་ལ་དུད་འགྲོ་མང་པོ་མི་འདུག | There are not many animals at our school. |
| 41 | འཛིན་ཁང་ནང་ལ་མི་མང་པོ་འདུག | There are plenty of people in the classroom. |
| 42 | ཁོང་ཚོའི་སློབ་གྲྭ་ལ་ཤིང་སྡོང་མང་པོ་མི་འདུག | There are not many trees at their school. |
| 43 | གླིང་ག་ལ་མེ་ཏོག་སྙིང་རྗེ་པོ་མང་པོ་འདུག | There are lots of beautiful flowers in the park. |
| 44 | ང་ཆུ་ལ་དགའ་པོ་ཡོད། | I like/love water. |
| 45 | ངའི་ལུང་པ་ལ་འབབ་ཆུ་ཡོད་མ་རེད། | There are no waterfalls in my area. |
| 46 | ངའི་ལུང་པ་ལ་མཚོ་ཡང་ཡོད་མ་རེད། | There is no lakes either in my area. |
| 47 | ངའི་ལུང་པ་མཚོ་གླིང་མ་རེད། | My country is not an island. |
| 48 | ང་རྒྱ་མཚོ་ལ་དགའ་པོ་ཞེ་དྲག་ཡོད། | I really like the sea a lot. |
| 49 | གླིང་ག་སྐྱིད་པོ་འདུག | The park is nice/pleasant. |
| 50 | ང་མཆོད་རྟེན་ལ་ཡོད། | I am at the stupa. |
| 51 | བོད་ལ་དགོན་པ་མང་པོ་ཡོད་རེད། | There are a lot of monasteries in Tibet. |
| 52 | ལྷ་ཁང་ལ་སྐུ་འདྲ་ཡོད་རེད། | There are statues in the shrine hall/temple. |
| 53 | དགོན་པ་ལ་སྐུ་འདྲ་ཡོད་རེད། | There are statues in the monastery. |
| 54 | ངའི་ནང་གི་འཁྲིས་ལ་ཚོང་ཁང་གཅིག་ཡོད་རེད། | There is one shop/store next to my house. |
| 55 | མཚོ་པད་མ་ལ་རླུང་རྟ་མང་པོ་ཡོད་རེད། | There are lots of wind horses/prayer flags at Rewalsar. |
| 56 | ཡུལ་ལྗོངས་སྙིང་རྗེ་པོ་འདུག | The scenery is nice/pretty. |
| 57 | ལྡི་ལི་ལ་འགྲོ་སའི་ལམ་ཀ་ཡག་པོ་མི་འདུག | The road to Delhi is not good. |
| 58 | ང་ལ་མོ་ཊ་མེད། | I do not have a car. |
| 59 | ས་རཱ་གྲོང་གསེབ་རེད། | Sarah is a village. |
| 60 | ས་རཱ་གྲོང་ཁྱེར་མ་རེད། | Sarah is not a city/town. |
| 61 | བཀྲ་ཤིས་ཀྱི་ལུང་པ་ལ་ཤིང་ནགས་འདུག | There is forest in Tashi’s country. |
| 62 | འབྲོག་པ་ལ་གུར་ཡོད་རེད། | Nomads have tents. |
| 63 | ཨ་རི་ལ་འབྲོག་པ་མང་པོ་ཡོད་མ་རེད། | There are not many nomads in America. |
| 64 | ང་ཚོའི་སློབ་གྲྭ་ལ་སྤང་ཐང་ཡོད་མ་རེད། | There is no meadow at our school. |
| 65 | བོད་ལ་མཛོ་མང་པོ་ཡོད་རེད། | There are a lot of dzo in Tibet. |
| 66 | གཡག་ཆེན་པོ་ཡོད་རེད། | Yaks are big. |
| 67 | གླིང་སྐོར་ལ་བ་ཕྱུགས་ཁ་ཤས་འདུག | There are some cows at the Lingkor. |
| 68 | རྒྱ་གར་ལ་ར་མང་པོ་འདུག | There are a lot of goats in India. |
| 69 | ངས་གཞས་གོ་སོང་། | I heard the song. |
| 70 | ང་སྔོན་པོ་ལ་དགའ་པོ་ཡོད། | I like/love blue. |
| 71 | ཀུ་ཤུ་འདི་དམར་པོ་འདུག | This apple is red. |
| 72 | སྨྱུ་གུ་འདི་སེར་པོ་རེད། | This pen is yellow. |
| 73 | ཤོག་བུ་འདི་དཀར་པོ་རེད། | This sheet/piece of paper is white. |
| 74 | གློག་ཀླད་འདི་ནག་པོ་རེད། | This computer is black. |
| 75 | ཤིང་སྡོང་འདི་ཚོ་ལྗང་ཁུ་རེད། | These trees are green. |
| 76 | རི་མཐོ་པོ་འདུག | The mountain is high. |
| 77 | འཛིན་ཁང་འདི་རྙིང་པ་རེད། | This classroom is old. |
| 78 | བུ་མོ་འདི་མཛེས་པོ་འདུག | This girl/lady is pretty. |
| 79 | ང་ཚོའི་འཛིན་ཁང་རྒྱ་ཆེན་པོ་ཞེ་དྲག་མི་འདུག | Our classroom is not very vast. |
| 80 | བོད་ལ་མཆོད་རྟེན་དང་དགོན་པ་སྐད་གྲགས་ཆེན་པོ་མང་པོ་ཡོད་རེད། | There are a lot of famous stupas and monasteries in Tibet. |
| 81 | སེམས་ཅན་ཆེན་པོ་དེ་ཚོ་ག་རེ་རེད། དེ་ཚོ་གཡག་རེད། | What are those big animals? Those are yak. |
| 82 | ཁྱེད་རང་གི་ལུང་པ་གང་འདྲས་ཡོད་རེད། | How is your country? |
| 83 | འབྲོག་པའི་ས་ཁུལ་ལ་གུར་མ་གཏོགས་ཁང་པ་གཞན་དག་ཡོད་མ་རེད། | In the area of the nomads, there are only tents and no other houses. |
| 84 | ངའི་གྲོང་གསེབ་ལ་སེམས་ཅན་དཔེར་ན་བ་ཕྱུགས་དང་ལུག་དང་མཛོ་ལ་སོགས་པ་མང་པོ་ཡོད་རེད། | In my village there are a lot of animals, for example, cows, sheeps, dzos, etc. |
| 85 | བྱས་ན་ཁྱེད་རང་གི་གྲོང་ཁྱེར་དང་ངའི་ལུང་པ་གཅིག་པ་རེད་མི་འདུག | So then, your city and my native/birth place area are not the same. |
| 86 | བསྟན་འཛིན་ལགས་དང་བློ་བཟང་ལགས་གཅིག་པ་གཅིག་རྐྱང་རེད། | Tenzin la and Lobsang la are identical. |
| 87 | ང་ལ་སྒོར་མོ་ཉི་ཤུ་མ་གཏོགས་མེད། | I have only twenty [rupees]. |
| 88 | བོད་ལ་གཙང་པོ་ཆེན་པོ་ཡོད་རེད། | There are big rivers in Tibet. |
| 89 | ང་རྟ་ལ་དགའ་པོ་ཡོད། | I like/love horses. |
| 90 | ང་ཚོའི་འཛིན་ཁང་གི་ནང་ལ་ལུག་མི་འདུག | There are no sheep inside of our classroom. |
| 91 | ངས་རྒན་ལགས་མཐོང་སོང་། | I saw the Professor. (invol.) |
| 92 | པར་འདི་ངས་བརྒྱབ་པ་ཡིན། | I took this picture. |
| 93 | བོད་ལ་དགོན་པ་རྩ་ཆེན་པོ་ཡོད་རེད། | There are sacred/precious monasteries in Tibet. |
| 94 | ང་ཚོའི་སློབ་གྲྭ་ཁུ་སིམ་པོ་འདུག | Our school is quiet & peaceful. |
| 95 | ཁྱེད་རང་བོད་སྐད་ཡག་པོ་རྒྱག་གི་འདུག ག་པར་ག་པར། ཁྱོན་ནས་ཤེས་ཀྱི་མེད། | You speak Tibetan well! — No way! I do not know it at all. |
| 96 | གླིང་གའི་ནང་ལ་སྐྱིད་པོ་འདུག | It’s fun insithe the park! |
| 97 | ཁྱེད་རང་གི་པར་དེ་ཚོ་སྙིང་རྗེ་པོ་འདུག | Those pictures of yours are beautiful. |
| 98 | ང་ནག་པང་ལ་ལྟ་གི་ཡོད། | I’m looking at the blackboard. |
| 99 | ངའི་མིང་སྒྲོལ་མ་ཡིན། | My name is Dolma. |
| 100 | ངའི་ཕ་ཡུལ་སྟོད་མངའ་རི་ཡིན། | My fatherland is Tö Ngari (West Tibet). |
| 101 | ཁྱེད་རང་གི་རྒྱལ་ཁབ་ག་རེ་རེད། | What is your nation? |
| 102 | ཁྱེད་རང་གི་སྐྱེ་ས་ག་པར་རེད། | Where were you born? What’s your birth place? |
| 103 | འཛམ་གླིང་ལ་ཆོས་ལུགས་འདྲ་མི་འདྲ་ཡོད་རེད། | There are various religious traditions in the world. |
| 104 | ང་ནང་པ་ཡིན། | I’m a Buddhist. |
| 105 | ནང་ཆོས་སྦྱངས་ན་ཡག་པོ་འདུག | It is good if one learns [about] Buddhism. |
| 106 | རྒྱ་གར་བ་མང་ཆེ་བ་ཆོས་ལུགས་ཧིན་དུ་རེད། | Most Indians are of the religion of Hinduism. |
| 107 | ཡུ་རོབ་ལ་མི་མང་ཆེ་བ་ཆོས་ལུགས་ཡི་ཤུ་རེད། | Most people in Europe are of the Christian religion. |
| 108 | ཁ་ཆེའི་ཆོས་ལུགས་ལ་ཉི་མ་རྟག་པར་ཐེངས་མ་ལྔ་སྨོན་ལམ་རྒྱག་གི་ཡོད་རེད། | In Islamic tradition, they pray five times every day. |
| 109 | སློབ་སྦྱོང་ལ་དོ་སྣང་སྤྲད་རོགས་གནང་། | Please pay (lit. give) attention to (your) studies! |
| 110 | འཛམ་གླིང་ལ་སེམས་ཅན་མང་པོ་ཡོད་རེད། | There are lots of animals in the world. |
| 111 | ང་ལ་རོགས་པ་མང་པོ་ཡོད། | I have a lot of friends. |
| 112 | ངའི་གྲོགས་པོའི་མིང་བསྟན་འཛིན་རེད། | My friend’s name is Tenzin. |
| 113 | ང་ལ་གྲོགས་མོ་མང་པོ་ཡོད། | I have a lot of female friends. |
| 114 | ཁོང་གི་ཆོས་གྲོགས་ཡག་པོ་འདུག | His/her Dharma friend is good, nice. |
| 115 | ངའི་ལུང་པ་ལ་ནང་པའི་ཆོས་ཚོགས་ཁ་ཤས་ཡོད་རེད། | In my country, there are a couple of Buddhist Dharma centres. |
| 116 | ངའི་དགའ་རོགས་ཕྱི་རྒྱལ་ལ་ཡོད། | I ‘have’ my boyfriend abroad. Or: My boyfriend is abroad. |
| 117 | ངའི་ཕ་མ་ལྷོ་ཕྱོགས་ནས་རེད། | My parents are from the South. |
| 118 | ཁྱེད་རང་ལ་སྤུན་ཀྱག་མང་པོ་ཡོད་པས། | Do you have a lot of relatives? |
| 119 | མཚན་ཉིད་སློབ་གྲྭ་ལ་གྲྭ་པ་མང་པོ་འདུག | There are a lot of monks at IBD (Institute of Buddhist Dialectics). |
| 120 | ཁྱེད་རང་ལ་ཕྲུ་གུ་བཞི་ཡོད་པས། | Do you have four kids? |
| 121 | ཁྱེད་རང་ཁམས་ལ་འགྲོ་མྱོང་ངས། | Have you ever been to Kham? |
| 122 | ཨ་མདོ་ལ་འབྲོག་པ་མང་པོ་ཡོད་རེད་པས། | Are there a lot of nomads in Amdo? |
| 123 | ཇོ་མོ་གླང་མ་དབུས་གཙང་ལ་ཡོད་རེད་པས། | Is Mt. Everest in Ü-Tsang? |
| 124 | ང་ཚོ་ད་ལྟ་རྒྱ་གར་ལ་ཡོད། | We are in India at the moment. |
| 125 | རྒྱ་ནག་གི་དར་ཆ་དམར་པོ་རེད། | China’s flag is red. |
| 126 | ཁྱེད་རང་བལ་ཡུལ་ལ་ཕེབས་མྱོང་ངས། | Have you ever been to Nepal? |
| 127 | ངའི་ལུང་པ་ཡུ་རོབ་ཀྱི་རྒྱལ་ཁབ་ཆུང་ཆུང་གཅིག་རེད། | My country is a small European country. |
| 128 | ངའི་གྲོགས་མོ་རིན་ཆེན་ལགས་དབྱིན་ཡུལ་ལ་བསྡད་ཀྱི་ཡོད་རེད། | My friend Rinchen la lives in England. |
| 129 | ཨ་རི་རྒྱལ་ཁབ་ཆེན་པོ་གཅིག་རེད། | The U.S. is a big nation. |
| 130 | ལྷོ་ཨ་མེ་རི་ཀའི་ལུང་པ་མང་ཆེ་བ་ལ་ Spanish སྐད་རྒྱག་གི་ཡོད་རེད། | In most South American countries, they speak Spanish language. |
| 131 | ངའི་འཛིན་གྲྭ་གཅིག་པ་ཁ་ཤས་ཨེ་ཤེ་ཡའི་ལུང་པ་ནས་རེད། | Some of my classmates are from Asian countries. |
| 132 | ངའི་གྲོགས་པོ་གྲོགས་མོ་མང་ཆེ་བ་ཕྱི་རྒྱལ་ལ་ཡོད་རེད། | Most of my friends are abroad. |
| 133 | ང་ད་ལྟ་ཆང་ས་བརྒྱབས་མེད། | I’m not married (by) now. |
| 134 | དབང་མོ་ཟེར་བའི་བུ་མོ་དེ་ཡག་པོ་འདུག | That (person) who is called Wangmo, is nice. |
| 135 | ཁྱེད་རང་གི་མཚན་ལ་ག་རེ་ཞུ་གི་ཡོད། | What are you called? (H and h) |
| 136 | ཁ་སང་ག་པར་ཕེབས་པ་ཡིན། | Where did you go yesterday? (H) |
| 137 | ང་གྲོང་གསེབ་ཆུང་ཆུང་གཅིག་ལ་སྡོད་ཀྱི་ཡོད། | I’m staying, living in a small village. |
| 138 | རྒན་ལགས་ལྡི་ལི་ལ་བཞུགས་ཀྱི་འདུག | (Our) dear teacher lives in Delhi. |
| 139 | རྒན་ལགས་ཀྱིས་སློབ་སྦྱོང་ཡག་པོ་བྱེད་ཟེ་གསུངས་བྱུང་། | (Our) dear teacher told us: “study well!” (H) |
| 140 | ཁྱེད་རང་བོད་སྐད་ཡག་པོ་ཞེ་དྲག་སྐྱོན་གྱི་འདུག | You are speaking Tibetan language really well. |
| 141 | ཁྱི་དེ་ཆུང་ཆུང་རེད་འདུག | That dog is small. |
| 142 | སེམས་པ་བཟང་པོ་བྱས་ན་ཡག་པོ་ཡོད་རེད། | It is good if one is kind hearted. (Lit. if one ‘does’ kind hearted). |
| 143 | བུ་མོ་འདི་རིག་པ་སྤྱང་པོ་འདུག | This girl is clever, intelligent. |
| 144 | ཁོང་ཚོ་ཉམ་ཆུང་རེད། | They are humble. |
| 145 | ངའི་ལུང་པ་ལ་མི་ཆེས་ཕྱུག་པོ་དང་ཆེས་སྐྱོ་པོ་གཉིས་ཀ་ཡོད་རེད། | In my country, there are both, very rich and very poor people. |
| 146 | ཁྱེད་རང་གི་ལུང་པ་ལ་མི་སྐྱོ་པོ་མང་པོ་ཡོད་རེད་པས། | Are there a lot of poor people in your country? |
| 147 | ངའི་ལུང་པ་ལ་མི་མང་ཆེ་བ་བྲེལ་བ་ཚ་པོ་ཞེ་དྲག་ཡོད་རེད། | In my country, most people are very busy. |
| 148 | ང་ཚོ་ཕྱི་རྒྱལ་ནས་རེད། | (As you all know) we are from a foreign country. |
| 149 | ཁྱེད་རང་ཚོ་ག་ནས་ཕེབས་པ་ཡིན། | Where did you come from? (H) |
| 150 | བུ་མོ་འདི་མཛེས་མ་འདུག །ཡིན་ནའི་སྤྱོད་པ་ཡག་པོ་མི་འདུག | This girl is pretty, but her behavior is not good. |
| 151 | དེང་སང་ཆར་པ་མང་པོ་འབབ་ཀྱི་མི་འདུག | These days, it does not rain much. |
| 152 | ང་ཚོ་མཉམ་དུ་བོད་ལ་འགྲོ། | (Let’s) all go to Tibet together! |
| 153 | སྔོན་མ་ང་བོད་སྐད་ཤེས་ཀྱི་མེད། | In the past, I did not know Tibetan. |
| 154 | ཁྱེད་རང་འདིར་བསླེབས་ནས་ཟླ་བ་ག་ཚོད་ཕྱིན་སོང་། | How many months has it been since you arrived here? |
| 155 | ཁྱེད་རང་གི་མཚན་ག་རེ་རེད། | What is your name? (H) |
| 156 | ཁྱེད་རང་ལ་ནང་མི་ག་ཚོད་ཡོད། | How many family (members) do you have? |
| 157 | ང་དོན་གྲུབ་ལགས་ཀྱི་ནང་ལ་ཡོང་གི་ཡིན། | I’m coming to Dondrub la’s place. |
| 158 | ངའི་གྲོགས་མོ་ནང་ལ་སླེབས་སོང་། | My friend arrived home. |
| 159 | ང་ལྷོ་ཕྱོགས་ལ་སྐྱེས་པ་རེད། | I was born in the South. |
| 160 | ༸ གོང་ས་མཆོག་ཨ་མདོ་ལ་འཁྲུངས་པ་རེད། | His Holiness the Dalai Lama was born in Amdo. (H) |
| 161 | ཁྱེད་རང་ལོ་ག་ཚོད་ཡིན། | How old are you? |
| 162 | ཨ་ནི་དགོན་པ་ལ་ཨ་ནི་མང་པོ་འདུག | There are a lot of nuns in the nunnery. |
| 163 | འཛིན་གྲྭ་ཡོད་རེད་ཟེ་ལབ་རོགས་གནང་། | Please tell, say (to the others) ‘there is class.’! |
| 164 | ང་གཟའ་མཇུག་ལ་གསུང་ཆོས་ལ་འགྲོ་གི་ཡིན། | In the weekend I’ll go to a Dharma talk. |
| 165 | ངའི་ལུང་པ་སྐྱིད་པོ་ཞེ་དྲགས་ཡོད་རེད། | My land is very fun. |
| 166 | སྲུ་མོ་ལགས། ཡར་ཕེབས། གསོལ་ཇ་གང་མཆོད། | Dear auntie, please come in, have a cup of tea! |
| 167 | མོས་བོད་པའི་ལུགས་སྲོལ་གྱི་སྐོར་ལ་ཡག་པོ་ཤེས་ཀྱི་ཡོད་རེད། | She knows about the Tibetan tradition well. |
| 168 | ང་བོད་ཇ་ལ་དགའ་པོ་ཞེ་དྲག་མེད། | I don’t like Tibetan tea very much. |
| 169 | གསོལ་ཇ་འདི་སྤྲོ་པོ་ཞེ་དྲག་བྱུང་མ་སོང་། | This tea was not very nice. (H) |
| 170 | ཇ་དམ་ནང་གི་ཇ་དེ་ཚ་པོ་མི་འདུག | The tea in the thermos is not hot. |
| 171 | ང་ཇ་བཟོ་དགོས་ཡོད། ཁྱེད་རང་གི་སྡོང་མོ་དེ་ང་ལ་གཅིག་གཡར་རོགས་གནང་། | I have to make tea. Please lend me your churn for a minute. |
| 172 | བོད་ཇ་དེ་ཚྭ་ཁུ་རེད་བཞག | The Tibetan tea is salty. |
| 173 | རྒྱ་གར་གྱི་ཇ་མངར་མོ་དེ་ཞིམ་པོ་འདུག | The Indian sweet tea is tasty. |
| 174 | ངའི་གྲོགས་མོ་འཚིག་ཇ་མང་པོ་འཐུང་གི་ཡོད་རེད། | My female friend drinks a lot of coffee. |
| 175 | གཟབ་གཟབ་བྱས་ན་མ་གཏོགས་དཀར་ཡོལ་ཆག་ཡོང་། | If you are not careful, the cup will break! |
| 176 | འོ་མ་དེ་ཞི་མིས་འཐུངས་འདུག | The cat has drunk the milk. |
| 177 | བོད་ལ་སྔོན་མ་ཚྭ་དཀོན་པོ་ཡོད་རེད། | In the past, salt was rare in Tibet. |
| 178 | འབྲི་མར་དེ་ཡག་ཤོས་རེད། | The butter of the dri (female yak) is the best. |
| 179 | ང་རྒྱ་མིའི་ཇ་ཐང་ལ་དགའ་པོ་ཡོད། | I like Chinese black tea. |
| 180 | ང་ཞོགས་ཀས་རྟག་པར་ཇ་བསྲུབས་མ་འཐུང་གི་ཡོད། | I drink Tibetan tea every morning. |
| 181 | བོད་པའི་བག་ལེབ་དེ་ཚོ་ཞིམ་པོ་འདུག | That Tibetan bread is tasty. |
| 182 | བོད་པའི་ལོ་གསར་ལ་ཁ་ཟས་མང་པོ་བཟོ་དགོས་རེད། | In the Tibetan New year, one has to make a lot of kabsey. |
| 183 | ང་ཕྱུ་ར་སྐམ་པོ་ཟ་སྙིང་ཞེ་དྲག་འདོད་ཀྱི་འདུག | I really want to eat some dry cheese. |
| 184 | བོད་ཁྱིམ་སློབ་གྲྭ་ལ་ཨ་མ་ལགས་མང་པོ་ཡོད་རེད། | In the TCV, there are a lot of mothers. (H) |
| 185 | སྤོ་ལགས་ནང་ལ་མ་ཎི་བཏོན་བྱས་བསྡད་ཀྱི་ཡོད་རེད། | (My) grandfather stays at home, reciting manis. |
| 186 | ངའི་གཅུང་མོ་ཆུང་བ་དེ་ད་ལྟ་སློབ་གྲྭ་ལ་འགྲོ་གི་ཡོད་རེད། | My younger sister, the small one, now goes to school. |
| 187 | ངའི་གཅུང་པོ་མཐོ་རིམ་སློབ་གྲྭ་ལ་ཡོད་རེད། | My younger brother is at university. |
| 188 | ངའི་ཨ་ཅག་ལགས་དྲུང་ཡིག་རེད། | My older sister is a secretary. |
| 189 | ངའི་ཅོ་ཅོ་ང་ཚོའི་ལུང་པའི་དཔོན་པོ་རེད། | My older brother is the chief of our village, area. |
| 190 | ཁྱེད་རང་ལ་ཕ་མ་གཅིག་པའི་སྤུན་ཀྱག་ག་ཚོད་ཡོད། | How many siblings do you have? |
| 191 | ང་ཚོའི་ནང་ལ་མནའ་མ་གཉིས་ཡོད་རེད། | We have two daughters-in-law in our household. |
| 192 | ཁོའི་སྐྱེས་དམན་དབྱིན་ཇི་རེད། | His wife is an outlander. |
| 193 | ངའི་ཨ་ཅག་གི་ཁྱོ་ག་རྒྱ་གར་བ་རེད། | My older sister’s husband is Indian. |
| 194 | ངའི་ཨ་ནེ་ལགས་ཀྱི་བཟའ་ཟླ་དམག་མི་རེད། | My aunt’s partner is a military man. |
| 195 | ང་ལ་ཨ་ནི་གསུམ་ཡོད། | I have three paternal aunts. |
| 196 | ཨ་ཁུ་གཅིག་མ་གཏོགས་མེད། | I have only one paternal uncle. |
| 197 | ངའི་སྲུ་མོ་ལགས་ཁ་ལག་ཡག་པོ་ཞེ་དྲག་བཟོ་གི་ཡོད་རེད། | My maternal aunt makes very tasty food. |
| 198 | ཨ་ཞང་ལགས་ཉི་མ་རྟག་པར་མདོང་མོའི་ནང་ལ་བོད་ཇ་བཟོ་གི་ཡོད་རེད། | My maternal uncle makes every day Tibetan tea in the churn. |
| 199 | ང་སྐད་ཆ་མང་པོ་བཤད་ཡག་ལ་དགའ་པོ་མེད། | I don’t like talking a lot. |
| 200 | ངའི་པ་ལགས་ཁོང་གི་གྲོགས་པོ་མཉམ་དུ་བཀའ་མོལ་མང་པོ་གནང་གི་ཡོད་རེད། | My father talks a lot with his friend. (H) |
| 201 | ང་ཚོ་དགོང་དག་ཁ་ལག་ཆུ་ཚོད་བརྒྱད་པ་ལ་ཟ་གི་ཡོད། | We eat dinner at 8 o’clock. |
| 202 | གསོལ་ཇ་ཞུ་གི་མིན། ང་འགྲོ་རན་སོང་། | I won’t have tea, it is time for me to leave. |
| 203 | ང་ཉིན་ལྟར་འཚིག་ཇ་མང་པོ་འཐུང་གི་ཡོད། | Every day, I drink a lot of coffee. |
| 204 | ཁྱེད་གསོལ་ཇ་མཆོད་ཀྱི་ཡིན་པས། | Do you drink some tea? (H) |
| 205 | གསོལ་ཇ་མ་བླུག་རོགས། ང་གསོལ་ཇ་ཞུ་གི་མིན། | Please, do not pour any tea! I won’t have any tea. (H) |
| 206 | ངས་ལབ་པ་དེ་འགྲིག་གི་འདུག་གས། | Is what I said o.k.? |
| 207 | ཨ་ཅག་ཆོས་འཛོམས་ལགས་ཁ་ལག་ཞིམ་པོ་བཟོ་གི་འདུག | Acha Chözom la makes delicious food. |
| 208 | ངས་ཁྱེད་རང་གི་སྨྱུ་གུ་ཕར་སྤྲད་པ་ཡིན། | I gave your pen back. |
| 209 | ད་སེམས་ཁྲལ་བྱེད་དགོས་མ་རེད། | So, there is no need to worry! |
| 210 | རྩེད་མོ་ཞེ་དྲག་མ་བརྩེ་ཨ། | Don’t joke around (so) much! |
| 211 | སྐུ་མཁྱེན། ང་ལ་ཇ་གང་བླུག་རོགས་གནང་། | Kunkien, please pour me a (cup of) tea. (lit. full of) |
| 212 | འཐེན་ཐུག་ཞིམ་པོ་ཡོད་རེད། | Handmade noodle soup (tentuk) is tasty. |
| 213 | ང་ལོ་གཞོན་གཞོན་ཡིན་དུས་རྩེད་མོ་མང་པོ་བརྩེས་པ་ཡིན། | When I was young, I played a lot. |
| 214 | མོའི་ཁྱོ་ག་ལོ་ཆུང་ཆུང་རེད་བཞག | Her husband is young. |
| 215 | ངའི་སྤོ་ལགས་ལོ་ཆེན་པོ་རེད། | My grandfather is old. |
| 216 | ཁྱེད་རང་གི་པ་ལགས་དགུང་ལོ་ཆེན་པོ་རེད་པས། | Is your father old? |
| 217 | བོད་པ་ཚོ་དད་པ་ཆེན་པོ་ཡོད་རེད། | Tibetans have great faith. |
| 218 | བཀྲ་ཤིས་མི་ཆོབ་ཚ་པོ་ཞེ་པོ་གཅིག་ཡོད་རེད། | Tashi is a funny guy. |
| 219 | ང་དང་ཨ་ཅག་ལགས་གཉིས་འཆམ་པོ་ཞེ་དྲག་ཡོད་རེད། | The two, my older sister and myself, are very close. |
| 220 | ང་མི་ལེ་ལོ་ཚ་པོ་ཡོད། | I am a lazy person. |
| 221 | གསོལ་ཇ་ག་རེ་མཆོད་ག ག་རེ་བྱུང་ནའི་འགྲིག་གི་རེད། | Which tea are you going to have? – I’m easy. |
| 222 | ཁྱེད་རང་ད་དུང་གཉིད་སད་མེད་པས། | Have you still not woken up? |
| 223 | བོད་པ་མང་ཆེ་བ་ནང་པ་རེད། | Most Tibetans are Buddhist. |
| 224 | སྨྱུ་གུ་དེ་ཆག་ནས་གའི་ཡོད་མ་རེད། | It does not matter if the pen breaks. |
| 225 | ངའི་པ་ལགས་དེང་སང་ལྡི་ལི་ལ་བཞུགས་ཀྱི་ཡོད་རེད། | My father lives in Delhi these days. (H) |
| 226 | ངའི་རྨོ་ལགས་ཉི་མ་རྟག་པར་ཞབས་སྐོར་ལ་ཕེབས་ཀྱི་ཡོད་རེད། | My grandmother goes every day to (do) kora. (H) |
| 227 | ཁོང་གི་འོག་མ་སློབ་གྲྭ་ཐོན་ཚར་བ་རེད། | His/her younger sibling has already graduated from school. |
| 228 | རིན་པོ་ཆེ་ཞལ་ལག་བཞེས་ཀྱི་འདུག་གས། | Is Rinpoche eating food? (H) |
| 229 | ཁོང་དངོས་གནས་དད་པ་ཆེན་པོ་ཞེ་དྲག་ཡོད་རེད། | S/he’s really extremely devoted. |
| 230 | ཁྱེད་རང་ཡིན་གཅིག་མིན་གཅིག་ངའི་ཆང་ས་ལ་ཕེབས་དགོས་རེད། | You absolutely have to come to my wedding!!! |
| 231 | ང་གཟའ་མཇུག་ལ་སྐྱིད་པོ་བྱུང་། | I had fun in the weekend. |
| 232 | གཟའ་ཉི་མ་ལ་དཔེ་སྐྱིད་པོ་བྱུང་། | I had a lot of fun on Sunday. |
| 233 | སང་ཉིན་གུང་སེང་རེད་པས། | Is tomorrow a free day? (Reply: ག་པར་ག་པར། Are you kidding me?!) |
| 234 | ང་ཚོ་གནས་མཇལ་ལ་འགྲོ་གི་ཡིན། | We will go on a pilgrimage. |
| 235 | གསུང་ཆོས་ཡག་པོ་ཉན་རོགས་གནང་། | Please, listen well (to) the Dharma talk/religious teaching! |
| 236 | ་་་ལ་ཟློས་གར་ཁང་ཡོད་རེད། | There is a theatre in… |
| 237 | གཅན་གཟན་ཁང་ལ་སེམས་ཅན་འདྲ་མི་འདྲ་ཡོད་རེད། | There are different animals at the zoo. |
| 238 | ང་གཉིས་མི་མཉམ་དུ་གློག་བརྙན་ཁང་ལ་ཕྱིན་པ་ཡིན། | The two of us went to the movies with [some other] folks. |
| 239 | ང་ཚོ་འགྲེམས་སྟོན་ཁང་ལ་ཕྱིན་མེད། | We did not go to the museum. |
| 240 | ཁྱེད་རང་ཐུགས་སྤྲོ་ལ་དགའ་པོ་ཡོད་པས། | Do you like parties? |
| 241 | ངའི་སྐྱེ་སྐར་ཐུགས་སྤྲོ་ལ་ཕེབས་རོགས་གནང་། | Please come (all) to my birthday party! |
| 242 | ཁ་སང་གྲོགས་མོ་མཉམ་དུ་ཟ་ཁང་ལ་ཤ་མེད་མོག་མོག་ཞིམ་པོ་བཟས་པ་ཡིན། | Yesterday I ate tasty veg. momos at the restaurant with a friend. |
| 243 | ཨ་རག་ལ་རིགས་འདྲ་མི་འདྲ་མང་པོ་ཡོད་རེད། | There are a lot of different kinds of alcohol. |
| 244 | དུས་ཚོད་སྟོང་པ་ལ་ལྷོད་ལྷོད་བྱེད་དགོས་རེད། | One has to relax in (one’s) free time! |
| 245 | ཁ་སང་ངའི་འཛིན་གྲྭ་གཅིག་པ་མཉམ་དུ་ཡུལ་སྐོར་སྤྲོ་འཆམ་ལ་ཕྱིན་པ་ཡིན། | Yesterday I went sightseeing with my classmates. |
| 246 | མཚམས་མཚམས་རི་འཛེག་གི་ཡོད། | Sometimes I go hiking. |
| 247 | སྒྲོལ་མ་ལགས་ཞབས་བྲོ་འཁྲབ་ཡག་ལ་དཔེ་དགའ་པོ་ཡོད་རེད། | Dolma la loves dancing. |
| 248 | ང་གཞས་གཏོང་ཡག་ལ་དཔེ་དགའ་པོ་ཡོད། | I really like singing (songs). |
| 249 | ངའི་འཛིན་གྲྭ་གཅིག་པ་ལ་རོགས་པ་བྱེད་རོགས་གནང་། | Please help my classmates! |
| 250 | ང་ཐ་མག་འཐེན་གྱི་མེད། | I do not smoke. |
| 251 | ཁ་སང་དོན་གྲུབ་ལགས་ར་བཟི་སོང་། | Yesterday, Dondrub la got drunk. |
| 252 | གཟའ་མཇུག་ལ་ཁྱེད་རང་གླིང་ག་བཏང་པ་ཡིན་པས། | Did you have a picnic over the weekend? |
| 253 | ཆོས་ཤེས་ན་ཉམས་ལེན་ཡག་པོ་བྱེད་དགོས་རེད། | If one knows the Dharma, one has to practice well. |
| 254 | དགོན་པ་ལ་འགྲོ་དུས་ཕྱག་གསུམ་འཚལ་པ་ཡིན། | When I went to the monastery, I did three prostrations. |
| 255 | རྒན་ལགས་ཆོབ་མང་པོ་སློང་གི་འདུག | (Our) teacher makes a lot of jokes. |
| 256 | ཆོབ་མང་པོ་བསླངས་ན་གད་མོ་ཤོར་གྱི་རེད། | If one makes a lot of jokes, one will laugh. |
| 257 | ནང་ལ་ལྷོད་ལྷོད་བྱས་ནས་བཞུགས་རོགས་གནང་། | Please stay in a relaxed way at home! |
| 258 | ང་བརྙན་འཕྲིན་ལྟ་ཡག་ལ་དགའ་པོ་མེད། | I do not like watching T.V. |
| 259 | ངའི་གྲོགས་མོ་ལྟད་མོ་ལྟ་ཡག་ལ་དགའ་པོ་ཡོད་རེད། | My friend likes to watch movies. |
| 260 | ང་དྲྭ་རྒྱ་སྔོག་ཡག་ལ་དགའ་པོ་ཞེ་དྲག་མེད། | I do not enjoy (like) surfing the internet much. |
| 261 | གཟའ་སྤེན་པ་ལ་ངའི་ཨ་མ་ལགས་ཀྱིས་ཁྲོམ་ནས་ཉོ་ཆ་བརྒྱབ་སོང་། | On Saturday, my dear mother did shopping at the market. |
| 262 | གཟའ་ཉི་མ་ལ་ཁྱེད་རང་གི་རོགས་པ་ཐུག་གར་ཕྱིན་པ་ཡིན་པས། | Did you go and see your friend on Sunday? |
| 263 | གུང་སེང་སྐབས་ལ་དུས་ཚོད་འཕྲོ་བརླག་བཏང་མེད། | I did not waste (my) time during the holiday. |
| 264 | ཁ་སང་གསུང་ཆོས་ལ་ཕྱིན་མེད། གང་ཡིན་ཟེར་ན་དུས་ཚོད་རག་མ་སོང་། | Yesterday, I did not go to the dharma talk because I did not find the time. |
| 265 | ཁ་སང་ཁྱེད་རང་གཉིས་ག་རེ་གནང་པ་ཡིན། | What did the two of you do yesterday? (H) |
| 266 | སྔོན་མ་ངའི་ལུང་པ་ལ་ཕ་མ་མཉམ་དུ་བསྡད་པ་ཡིན། | In the past, in my country, I lived with my parents. |
| 267 | ཁྱེད་རང་བདུན་ཕྲག་སྔོན་མར་ཟློས་གར་ཁང་ལ་ཕེབས་མེད་པས། | Did you not go to the theatre last week? |
| 268 | ང་བོད་ལ་ཐེངས་གཅིག་འགྲོ་མྱོང་། | I have been to Tibet one time. |
| 269 | དེ་རིང་ང་ཚོའི་འཛིན་གྲྭ་ཕྱི་ལོགས་ལ་ཚོགས་པ་ཡིན། | Today we had (our) class outside. |
| 270 | གློག་བརྙན་འདི་ལྟད་མོ་ཆེན་པོ་འདུག | This movie is pleasant to watch. |
| 271 | གཟའ་སྤེན་པ་ལ་ཐུགས་སྤྲོ་ལ་སྐྱིད་པོ་ཞེ་དྲག་བྱུང་སོང་། | It was great fun at the party on Saturday. |
| 272 | ངལ་གསོ་ཡག་པོ་རྒྱག་རོགས་གནང་། | Please take a good rest! |
| 273 | དེ་རིང་ཞོགས་གས་འཁྱམ་འཁྱམ་ལ་ཕྱིན་མེད། | This morning, I did not go for a walk. |
| 274 | ང་ནང་ལས་བྱས་ནས་ནང་ལ་བསྡད་པ་ཡིན། | I stayed home doing housework. |
| 275 | བསྟན་འཛིན་ལགས་ཀྱིས་གཙང་པོའི་ནང་ལ་རྐྱལ་བརྒྱབ་སོང་། | Tenzin la swam in the river. |
| 276 | ཁ་སང་ཐུགས་སྤྲོ་ལ་ཕྱི་པོ་ཆགས་སོང་། | Yesterday, at the party it got late. |
| 277 | ཁ་སང་གསུང་ཆོས་བློ་ལ་མགུས་པོ་ཞེ་དྲག་བྱུང་། གང་ཡིན་ཟེར་ན་ངའི་དཔེ་ཆ་དགའ་ཤོས་ཁྲིད་གནང་སོང་། | Yesterday, the Dharma talk was really interesting (to me) because (s/he) taught my favourite pecha. |
| 278 | དེ་རིང་གནམ་གཤིས་ཡག་པོ་འདུག | The weather is nice today. |
| 279 | འདི་ལ་ཁོར་ཡུག་གཙང་མ་འདུག | The environment is clean here. |
| 280 | ནམ་དུས་བཞི་ཡོད་རེད། | There are four seasons. |
| 281 | དུས་བཞི་ནི་དགུན་ཁ་དང་། དཔྱིད་ཀ དབྱར་ཀ སྟོན་ཀ་རེད། | The four seasons are winter, spring, summer and fall. |
| 282 | དབྱར་ཀ་ཆར་པ་འབབ་ཀྱི་རེད། | It rains in the summer. |
| 283 | སྟོན་ཀ་ལོ་མ་ཟག་གི་རེད། | In fall, the leaves fall (from the trees). |
| 284 | དགུན་ཁ་གྲང་མོ་ཡོད་རེད། | It is cold in the winter. |
| 285 | དཔྱིད་ཀ་སྤང་ཐང་ལ་མེ་ཏོག་ཤར་གྱི་རེད། | Flowers blossom in the summer on the meadow. |
| 286 | ཤར་ནས་ཉི་མ་ཤར་གྱི་རེད། | From the east, the sun rises. |
| 287 | རྒྱ་གར་ལྷོ་ཕྱོགས་ལ་ཚ་བ་ཚ་པོ་ཡོད་རེད། | It is very hot, great heat in South India. (lit. heat hot) |
| 288 | ཉི་མ་ནུབ་ལ་ནུབ་ཀྱི་རེད། | The sun sets in the west. |
| 289 | བོད་རྒྱ་གར་གྱི་བྱང་ལ་ཡོད་རེད། | Tibet is north of India. |
| 290 | ཞོགས་གས་སྔ་པོ་ལངས་ཀྱི་ཡོད། | (I) get up early in the morning. |
| 291 | ཉིན་གུང་རྒྱབ་ལ་རྨོ་རྨོ་ལགས་ངལ་གསོ་རྒྱག་གི་ཡོད་རེད། | In the afternoon (my) grandmother takes rest. |
| 292 | དགོང་མོ་ཟླ་བ་ཤར་གྱི་རེད། | In the evening the moon rises. |
| 293 | ནམ་མཁའ་ལ་སྤྲིན་པ་མང་པོ་འཁྲིགས་འདུག | There are a lot of clouds in the sky. |
| 294 | དེང་སང་ཚ་གྲང་ཡག་པོ་འདུག | These days the temperature is good. |
| 295 | དབྱར་ཀ་ཚ་བ་ཆེན་པོ་འདུག | There is great heat in the summer. |
| 296 | དཔྱིད་ཀ་དྲོད་ཏོག་ཙམ་སླེབས་ཀྱི་རེད། | In spring, a little warmth comes. |
| 297 | ལྷགས་པ་ཆེན་པོ་རྒྱག་གི་འདུག | It is very windy. |
| 298 | སྟོན་ཀ་ལོ་མ་ཚང་མ་སེར་པོ་དང་དམར་པོ་ཆགས་ཀྱི་རེད། | In autumn, all the leaves become yellow and red. |
| 299 | ཁྱེད་རང་ཆར་དུས་ལ་ཉོབ་ཀྱི་འདུག་གས། | Do you dislike the rainy season? |
| 300 | ང་ས་ཆ་མང་པོ་ལ་འགྲོ་ཡག་ལ་དགའ་པོ་ཡོད། | I like to go to many places. |
| 301 | གྲོང་ཁྱེར་ལ་མཁའ་རླུང་གཙང་མ་ཡོད་མ་རེད། | In the city, the air is not clean. |
| 302 | བོད་ལ་གངས་མང་པོ་འབབ་ཀྱི་རེད། | It snows a lot in Tibet. |
| 303 | ཆར་པ་མང་པོ་བབས་ན་ཡག་པོ་འདུག་གས། | Is it good if it rains a lot? |
| 304 | སེར་ར་བཏང་ན་སྟོན་ཐོག་ཡག་པོ་ཡོད་མ་རེད། | If it hails, there is no good harvest. |
| 305 | རླུང་པོ་བརྒྱབ་ནས་ཤིང་སྡོང་ཆག་སོང་། | Because the wind blew, the tree fell. (lit. broke) |
| 306 | སྨུག་པ་མང་པོ་འཐིབ་འདུག | It is very foggy. |
| 307 | ཁྱེད་རང་ཚ་བ་འཚིག་གི་མི་འདུག་གས། | Aren’t you feeling hot? |
| 308 | ཁྱེད་རང་གྲང་གི་མི་འདུག་གས། | Aren’t you feeling cold? |
| 309 | ཁྱེད་རང་གནམ་གཤིས་གྲང་མོ་ལ་ཉོབ་ཀྱི་མི་འདུག་ག | You do not get upset about cold weather, do you? |
| 310 | དུག་སློག་མང་པོ་གྱོན་དགོས་རེད། | One has to put lots of clothes. |
| 311 | འབྲུག་སྐད་བརྒྱབ་ན་ང་ཞེད་ཀྱི་འདུག | When it thunders, I’m afraid. |
| 312 | ནམ་མཁའ་ལ་གློག་འཁྱུག་གི་རེད། | There is a lightning in the sky. |
| 313 | ལོ་ཁ་ཤས་ཀྱི་སྔོན་ལ་བལ་ཡུལ་ལ་ས་ཡོམ་ཆེན་པོ་བརྒྱབ་པ་རེད། | Some years ago, there was a big earthquake in Nepal. |
| 314 | དརྨཤཱལཱ་ལ་ཚ་གྲང་སྙོམས་པོ་ཡོད་རེད། | In Dharamśala, the temperature is balanced. |
| 315 | ཆུ་ཚ་པོ་མང་པོ་འཐུངས་ན་ཡག་པོ་ཡོད་རེད། | It is good if one drinks a lot of hot water. |
| 316 | དགུན་ཁ་གནམ་གཤིས་གྲང་མོ་ཡོད་རེད། | In the winter, the weather is cold. |
| 317 | བསིལ་པོ་ཡོད་ན་སྐྱིད་པོ་འདུག | When it is fresh, it is pleasant. |
| 318 | གནམ་གཤིས་སྡུག་ཅག་ཡོད་ན་འཁྱམ་འཁྱམ་ལ་འགྲོ་གི་མེད། | If the weather is bad, I do not go for walks. |
| 319 | སྤང་ཐང་ལྗང་ཐིང་ཐིང་ཡོད་རེད། | The meadow is bright green. |
| 320 | ལྡི་ལི་ལ་ཚ་བ་ཆེན་པོ་ཡོད་རེད། | It is terribly hot in Delhi. |
| 321 | ཨ་མ་མ། ཆར་པ་གང་འདྲས་ཤུགས་ཆེན་པོ་རྒྱག་གི་འདུག | Oh my dear! How hard it is raining! |
| 322 | ད་ལྟ་ཉི་མ་ཡག་པོ་སྟོན་གྱི་འདུག | Now, the sun is shining nicely. |
| 323 | ངའི་ལུང་པ་ལ་སྤྱིར་བཏང་སྟོན་ཀ་སྨུག་པ་མང་པོ་འཁོར་གྱི་ཡོད་རེད། | Generally, in fall in my country, it is often foggy. |
| 324 | ནམ་རྒྱུན་ཞོགས་ཀས་ཆུ་ཚོད་དྲུག་པ་ལ་ཡར་ལངས་ཀྱི་ཡོད། | Usually, I get up at six in the morning. |
| 325 | ང་ཉི་མ་རྟག་པར་སྐོར་ར་རྒྱག་གི་ཡོད། | I encircle (do kora) every day. |
| 326 | ང་ལོ་ལྟར་ངའི་ལུང་པ་ལ་ལོག་གི་ཡོད། | I return to my country every year. |
| 327 | དཔྱིད་ཀ་མེ་ཏོག་འདྲ་མི་འདྲ་མང་པོ་ཤར་གྱི་ཡོད་རེད། | In spring a lot of different types of flowers blossom. |
| 328 | དེ་རིང་ཚ་བ་ཆེན་པོ་འདུག བྱས་ཙང་ང་ཚོ་ཚང་མ་རྐྱལ་རྒྱག་གར་འགྲོ་གི་ཡིན། | Today it is very hot. Therefore we all go swimming. |
| 329 | ཁྱེད་རང་གི་ཁ་ལག་དགའ་ཤོས་ག་རེ་རེད། | What is your favorite food? |
| 330 | ངའི་ལུང་པ་ལ་བོད་ནང་བཞིན་གངས་མང་པོ་འབབ་ཀྱི་ཡོད་མ་རེད། | In my country, it does not snow as much as in Tibet. |
| 331 | ང་ཡང་ཁྱེད་རང་ཚོ་མཉམ་དུ་གླིང་ག་བཏང་གར་འགྲོ་གི་ཡིན། | I am also going to have a picnic with you. |
| 332 | མི་མང་ཆེ་བ་མེ་ཏོག་ལ་དགའ་པོ་ཞེ་དྲག་ཡོད་རེད། | Most people like flowers a lot. |
| 333 | མཚན་མོ་གཉིད་ཉལ་གྱི་ཡོད། | (I) sleep at night. |
| 334 | ལོ་མ་ཚོས་གཞི་འདྲ་མི་འདྲ་ཡོད་རེད། བྱས་ཙང་སྙིང་རྗེ་པོ་ཞེ་དྲག་མཐོང་གི་ཡོད་རེད། | The leaves are various colors. Therefore, they appear very beautiful. |
| 335 | ང་ཞེ་དྲག་འཁྱག་གི་འདུག | I’m really freezing. |
| 336 | ཞོགས་གས་ཉི་མ་ཤར་གྱི་རེད། | The sun rises in the morning. |
| 337 | དགོང་དག་ཉི་མ་ནུབ་ཀྱི་རེད། | The sun sets in the evening. |
| 338 | ས་རུབ་ན་མཐོང་གི་མ་རེད། | If it gets dark, one does not see. |
| 339 | ཁོར་ཡུག་སྲུང་སྐྱོབ་བྱེད་ཡག་དེ་གལ་ཆེན་པོ་ཞེ་དྲག་ཡོད་རེད། | It is very important to protect the environment. |
| 340 | ནམ་མཁའ་ལ་སྤྲིན་པ་མང་པོ་འཁྲིགས་འདུག | It is very cloudy. |
| 341 | རྒྱ་གར་དང་ངའི་ལུང་པའི་གནམ་གཤིས་རྦད་དེ་ཁག་ཁག་རེད། | India’s and my country’s weather are totally different. |
| 342 | དེ་དུས་གནམ་གཤིས་སྐྱིད་པོ་ཞེ་དྲག་ཡོད་རེད། | That time, the weather is extremely nice. |
| 343 | གཟའ་མཇུག་སྐྱིད་པོ་བྱུང་སོང་། | The weekend was fun. |
| 344 | ང་བོད་པའི་ཁ་ལག་ལ་དགའ་པོ་ཡོད། | I like Tibetan food. |
| 345 | ཞལ་ལག་མཉེས་པོ་མཆོད་རོགས་གནང་། | Enjoy your food! (H) |
| 346 | དེ་རིང་གསོལ་ཚིགས་ཡག་པོ་འདུག | Today’s food is nice. (H) |
| 347 | ང་གཟའ་མཇུག་ལ་ཇ་ཁང་ལ་འགྲོ་གི་ཡོད། | I (habitually) go to the tea shop on the weekends. |
| 348 | ང་ཆང་ཁང་ལ་འགྲོ་གི་མེད། | I do not go to the bar. |
| 349 | ངའི་ཁ་ལག་དགའ་ཤོས་རྩམ་པ་རེད། | Tsampa is my favorite food. |
| 350 | བོད་པ་མང་ཆེ་བ་འཐེན་ཐུག་ལ་དགའ་པོ་ཡོད་རེད། | Most Tibetans like handmade noodle soup. |
| 351 | རྩམ་ཐུག་ནང་ལ་རྩམ་པ་དང་ཕྱུ་ར་ཡོད་རེད། | There is tsampa and dry cheese inside the tsampa soup. |
| 352 | བཞེས་ཐུག་ལ་རིགས་མང་པོ་ཡོད་རེད། | There are a lot of (different) types of soups. (H) |
| 353 | མོག་ཐུག་ནང་ལ་མོག་མོག་ཆུང་ཆུང་མང་པོ་ཡོད་རེད། | There are a lot of small momos in the momos in soup. |
| 354 | ང་ཤ་མོའི་ཐང་གཅིག་འཐུང་གི་ཡིན། | I’ll have a mushroom soup. |
| 355 | ཁྱེད་རང་བཞེས་མོག་མཆོད་གས། | Are you going to eat momos (H)? |
| 356 | ཤ་མང་པོ་བཟས་ན་ཡག་པོ་ཡོད་མ་རེད། | If one eats (a lot) of meat, it is not good. |
| 357 | ངའི་གྲོགས་མོ་ང་གཉིས་ཤ་མེད་ཡིན། | My friend and I are both vegetarians. |
| 358 | རྒྱ་གར་གྱི་ཁ་ལག་ཡག་ཤོས་འབྲས་དང་ལྡ་ལི་རེད། | The best Indian food is rice and lentils. |
| 359 | ཤ་བག་ལེབ་ཟེར་བའི་བོད་གཞས་གཅིག་ཡོད་རེད། | There is a Tibetan song called Shapaley. |
| 360 | སི་པན་མང་པོ་བླུགས་ན་ཁ་ལག་ཁ་ཚ་པོ་ཡོང་གི་རེད། | If one puts a lot of chili, the food will become spicy. |
| 361 | ཚལ་མང་པོ་ཟ་དགོས་རེད། | One must/should eat a lot of vegetables. |
| 362 | ཁྱེད་རང་གྲང་ཚལ་མང་པོ་ཟ་གི་ཡོད་པས། | Do you eat of a lot of salad? |
| 363 | ང་ཙོང་ལ་ཞེ་དྲག་དགའ་པོ་མེད། | I do not like onions very much. |
| 364 | ཁ་ས་དགོང་དག་ཤ་མོའི་ཐང་ཞིམ་པོ་གཅིག་འཐུངས་པ་ཡིན། | Last night, I had a nice mushroom soup. |
| 365 | ང་ཤ་དང་སྒོ་ང་གཉིས་ཀ་ཟ་གི་མེད། | I do not eat either meat nor eggs. |
| 366 | འབྲས་བརྔོས་མ་ནང་ལ་སྣུམ་མང་དྲགས་བཞག | There is too much oil in the fried rice. |
| 367 | ཤིང་ཏོག་ཁུ་བ་མང་པོ་འཐུང་དགོས་རེད། | One must/should drink a lot of fruit juice. |
| 368 | ཞོག་ཁོག་ཁ་ཚ་པོའི་བྲོ་བ་གང་འདྲས་འདུག | How is the taste of the spicy potatoes? |
| 369 | ཟ་ཁང་འདིའི་སྦྱིན་བདག་སུ་རེད། | Who is the owner of this restaurant? |
| 370 | ཟ་ཁང་འདི་ལ་ཞབས་ཞུ་བ་གསུམ་ལས་ཀ་བྱེད་ཀྱི་ཡོད་རེད། | There are three waiters working in this restaurant. |
| 371 | ངས་ཞབས་ཞུ་མ་གཅིག་སྐད་གཏང་དགོས། | I’ll call the waitress (for you). |
| 372 | ངའི་གྲོད་ཁོག་ཆུང་ཆུང་རེད། | My stomach is tiny (small). |
| 373 | ཟ་ཁང་ལ་མ་བྱན་ཁ་ཤས་ཡོད་རེད། | There are a couple of cooks at the restaurant. |
| 374 | ཐབ་ཚང་ནང་ལ་ཁ་ལག་བཟོ་གི་ཡོད་རེད། | Food is made in the kitchen. Or: (Somebody) makes food in the kitchen. |
| 375 | ཅ་ལག་ཉོ་དུས་སྒོར་མོ་མང་པོ་དགོས་ཀྱི་རེད། | When buying stuff, one needs a lot of money. |
| 376 | ཐ་པག་གི་ནང་ལ་ཁ་ལག་ཟ་གི་ཡོད་རེད། | (Somebody) eats food from (lit. in) the plate. |
| 377 | གྲི་རྣོ་པོ་འདུག | The knife is sharp. |
| 378 | རྐང་ཊ་ཡིས་ཁ་ལག་ཟ་གི་རེད། | Food is eaten with a fork. |
| 379 | འཐེན་ཐུག་ཐུར་མས་འཐུང་གི་ཡོད། | I drink the thenthuk with a spoon. |
| 380 | རྒྱ་མིས་ཁོ་ཙེས་ཁ་ལག་ཟ་གི་རེད། | Chinese people eat with chopsticks. |
| 381 | ང་ཚོ་ཁ་ལག་ཟ་ཡག་ལ་སྐད་བཏང་བྱུང་། | They invited us for food. |
| 382 | གྲོད་ཁོག་ལྟོགས་ན་ཁ་ལག་མང་པོ་མངག་དགོས་རེད། | If one is hungry, one needs to order a lot of food. |
| 383 | རྒན་ལགས་ཞལ་ལག་མཆོད་ཀྱི་འདུག | The respected teacher eats food. (H) |
| 384 | ང་བོད་ཇ་མང་པོ་འཐུང་གི་ཡོད། | I drink a lot of Tibetan tea. |
| 385 | རྩིས་པ་འདིས་རྩིས་ཡག་པོ་རྒྱག་གི་ཡོད་རེད། | This accountant calculates well. |
| 386 | ཐུག་པ་ནང་ལ་ཚྭ་མང་དྲགས་བཞག | There is too much salt in the soup / noodles. |
| 387 | ཨུ་ཚུགས་མང་པོ་མ་བརྒྱབ། | Don’t insist (so) much! |
| 388 | དང་པོ་ཊོ་མ་ཊོ་དེ་ཚོ་ཡག་པོ་འཁྲུད་དགོས་རེད། | First one has to wash the tomatoes well. |
| 389 | ཞོག་ཁོག་དེ་ཚོ་པགས་པ་བཤུ་དགོས་རེད། | One needs to peel the potatoes. |
| 390 | དེ་ནས་ངས་ཞོག་ཁོག་དེ་ཚོ་ལ་ཤད་བརྒྱབ་པ་ཡིན། | Then, I grated the potatoes. |
| 391 | ཚལ་ཡག་པོ་བརྔོས་ན་ཞིམ་པོ་ཡོང་གི་རེད། | If one fries the vegetables well, it will be tasty. |
| 392 | དེ་ནས་མེ་ཆུང་ཆུང་གཏང་དགོས་རེད། | Then, one has to put a small fire on. |
| 393 | ངས་ཆུ་དང་གྲོ་ཞིབ་དཀྲུག་དཀྲུག་ཡག་པོ་བཏང་པ་ཡིན། | I stirred the water and the flour well. |
| 394 | ཨོ། ངའི་བག་ལེབ་འཚིག་བཞག | Oh, my bread got burned! |
| 395 | ཐེངས་མ་ཁ་ཤས་ཨ་སློག་རྒྱག་དགོས་རེད། | One has to turn (it) a couple of times. |
| 396 | ཙོང་དེ་ལེབ་ལེབ་གཏུབ་ཀྱི་ཡིན། | I’ll cut the onion into slices. |
| 397 | ཉི་མ་ཚ་པོ་ཡོད་དུས་མར་ལམ་སང་བཞུ་འགྲོ་གི་ཡོད་རེད། | When the sun is hot, the butter immediately melts. |
| 398 | དགུན་ཁ་ལ་འཐེན་ཐུག་མང་པོ་སྐོལ་གྱི་ཡོད། | I make (lit. boil) a lot of thenthuk in the winter. |
| 399 | ང་གྲོད་ཁོག་ལྟོགས་ཀྱི་འདུག | I am hungry, I feel hungry. |
| 400 | ལས་ཀ་འདི་སྟབས་བདེ་པོ་འདུག །ཁག་པོ་མི་འདུག | This work is easy; it is not hard. |
| 401 | ང་ཚོའི་འཛིན་ཁང་གཙང་མ་འདུག | Our classroom is clean. |
| 402 | ངས་བྱས་ན་ཁ་ལག་ཚྭ་ཁུ་ཞིམ་པོ་ཡོད་མ་རེད། | In my opinion, salty food is not tasty. |
| 403 | མི་ཁ་ཤས་ཁ་ཚ་པོ་ལ་དགའ་པོ་ཡོད་རེད། | Some people like spicy (food). |
| 404 | ཁ་ལག་སོས་པ་ཟ་དགོས་རེད། | One must/should eat fresh food. |
| 405 | སྔོན་ལ་ཟས་ཐོ་ལ་གཅིག་བལྟ་གི་ཡིན་པས། | First will you take a look at the menu? |
| 406 | ང་ཚོ་འཐེན་ཐུག་གཅིག་དང་ཤ་མེད་མོག་མོག་སྡེར་མ་གཉིས་མངགས་ན་འགྲིག་གི་རེད་པས། | Is it o.k. if we order a thenthuk and two plates of veg momos? |
| 407 | མོག་མོག་ལྷག་མ་དེ་ཚོ་ང་ནང་ལ་འཁྱེར་འགྲོ་གི་ཡིན། | I’ll take the leftover momos home. |
| 408 | ཚོགས་ཐེངས་འདི་དང་པོ་རེད། | This session/period is the first. |
| 409 | ད་ལྟ་ཆུ་ཚོད་བཅུ་གཉིས་ཏག་ཏག་རེད། | Now it is exactly 12 o’clock. |
| 410 | མཚམས་མཚམས་ལ་ཆང་ཏོག་ཙམ་འཐུང་གི་ཡོད། | Sometimes I drink a little bit of chang. |
| 411 | རྗེས་ལ་མཇལ་ཡོང་། | (Hopefully) I’ll see you later! (H) |
| 412 | ཁྱོན་བསྡོམས་སྒོར་མོ་ག་ཚོད་རེད། | How much money is it in total? |
| 413 | མོག་མོག་ལ་ཤ་མོག་མོག་དང་ཤ་མེད་མོག་མོག་གཉིས་ཡོད་རེད། | As for momos, there are both meat and vegetarian ones. |
| 414 | རྒྱ་གར་ལ་ཞོག་ཁོག་མང་པོ་འདུག | There are lots of potatoes in India. |
| 415 | སྒོག་པ་དེ་འཕྲོད་བསྟེན་ལ་ཕན་གྱི་རེད་ཟ། | S/He says that garlic is good for health. |
| 416 | བོད་པའི་ལོ་གསར་ལ་ཆང་ཏོག་ཙམ་འཐུང་པ་ཡིན་པས། | Did you have a bit of chang in the Tibetan New Year? |
| 417 | ཁྱེད་རང་ཆབ་མཆོད་ག །ཡང་ན་གསོལ་ཇ་མཆོད་ག | Are you going to have water or tea? (H) |
| 418 | མི་ཁ་ཤས་ཕོར་པའི་ནང་ལ་ཡང་ཁ་ལག་ཟ་གི་ཡོད་རེད། | Some people eat food from (in) a bowl. |
| 419 | དང་པོ་ཧ་ཡང་ནང་ལ་སྣུམ་ཚ་པོ་བཟོ་དགོས་རེད། | First one needs to heat up the oil in the pan. |
| 420 | སྔོན་ལ་ང་གཉིས་ཚལ་ཐོ་ལ་གཅིག་ལྟ་གས། | Shall we two first take a look at the menu? |
| 421 | མ་བྱན་འདིས་ཁ་ལག་འདྲ་མི་འདྲ་བཟོ་གི་ཡོད་རེད། | This cook prepares/makes various kinds of food. |
| 422 | ཨོ། འབྲས་འདི་ཡག་པོ་ཚོས་མི་འདུག | Oh, this rice is not cooked well. |
| 423 | ཁ་ལག་བཟས་ན་གྲོད་ཁོག་བརྒྱགས་ཀྱི་རེད། | If one eats food, one will feel full. |
| 424 | ང་ལ་གྲོགས་མོ་གསར་པ་གཅིག་རག་སོང་། | I got a new friend. |
| 425 | ང་ཚོས་བོད་སྐད་མགྱོགས་པོ་ཤེས་སོང་། | We knew (learnt) Tibetan quickly, fast. |
| 426 | ཟ་ཁང་དེ་ལ་ཁ་ལག་ཤ་མེད་རྐྱང་རྐྱང་རེད། | In that restaurant, the food is all vegetarian. |
| 427 | ཁྱེད་རང་སི་པན་ལ་དགའ་པོ་ཡོད་པས། ཡོད་དང་ཡོད། | Do you like chili? – Of course! |
| 428 | དེང་སང་ཅ་ལག་དེ་ཚོ་ཡག་པོ་ཞེ་དྲག་མི་འདུག | These days, the things are not so good. |
| 429 | དརྨཤཱལཱ་ལ་ཅ་ལག་གོང་ཆེན་པོ་རེད། | Things in Dharamśala are expensive. |
| 430 | ང་ཁ་ས་ཚོང་ཁང་ཆེན་པོ་གཅིག་ལ་ཉོ་ཆ་རྒྱག་གར་ཕྱིན་པ་ཡིན། | Yesterday, I went to a big store to do shopping. |
| 431 | ཚོང་པ་ཁ་ཤས་ལ་ཁེ་བཟང་ཞེ་དྲག་ཡོད་རེད། | Some businessmen have a lot of profit. |
| 432 | ཚོང་དཔོན་ལགས། ང་ལ་སོ་འཁྲུད་གཅིག་དང་སོ་སྨན་གཅིག་བཙོང་རོགས་གནང་། | Shopkeeper, please give (lit. sell) me a toothbrush and toothpaste. |
| 433 | ཁྱེད་རང་ཁྲོམ་ལ་འགྲོ་དུས་ང་ལ་ཀུ་ཤུ་ཀི་ལོ་གཅིག་ཉོས་ཤོག་ཨ། | Buy me a kilo of apples when you go to the market! |
| 434 | མི་སུ་ཡིན་ནའི་ཁེ་བཟང་མེད་པར་ཚོང་བརྒྱབ་གི་མ་རེད། | Nobody makes business without profit. (lit. whoever the person is) |
| 435 | ཅ་ལག་ཉོ་དུས་གཟབ་གཟབ་མ་བྱས་ན་གྱོང་རགས་གི་རེད་ད། | When buying things, if you are not careful, you will get a loss. |
| 436 | དགོངས་དག །དངུལ་སིལ་མ་མི་འདུག | I’m sorry, I do not have small money. |
| 437 | ཁྱེད་རང་གིས་གནང་བའི་དངུལ་དེས་ངས་དངུལ་ཏིང་ཉོས་པ་ཡིན། | I bought silver offering bowls with the money you have/had given me. |
| 438 | གསེར་དཀོན་པོ་རེད། | Gold is rare. |
| 439 | ང་ལ་གྲོ་ཞིབ་ཀི་ལོ་གཉིས་དང་ཕྱེད་ཀ་གནང་རོགས་གནང་། | Please give me two kilograms and a half of flour. |
| 440 | སློང་མཁན་དེ་ཚོ་ལ་ལྟོ་ཡག་པོ་གཅིག་ཟ་ཡག་ཡོད་མ་རེད། | The beggar does not have good food to eat. |
| 441 | མོག་མོག་བཟོ་དུས་གྲོ་ཞིབ་ཡིན་གཅིག་མིན་གཅིག་དགོས་རེད། | When making momos, flour is indispensable. (Lit. one really needs flour) |
| 442 | ཞོའི་ནང་ལ་བྱེ་མ་ཀ་ར་ཏོག་ཙམ་གཅིག་བླུགས་རོགས་གནང་། | Please put some sugar in the yogurt. |
| 443 | པུ་གུ་ཆུང་ཆུང་བྱི་རིལ་ལ་དགའ་པོ་ཡོད་རེད། | Small kids love sweets. |
| 444 | ངའི་གྲོགས་པོ་གཅིག་གིས་ང་ལ་ལག་རྟགས་སྙིང་རྗེ་པོ་གཅིག་སྤྲད་བྱུང་། | A friend of mine gave me a nice gift. |
| 445 | མ་ངུ་ཨ། ངས་ཁྱོད་ལ་རྔན་པ་གཅིག་སྤྲད་དགོས་ལོ། | Don’t cry! I’ll give you a little treat, o.k.?! |
| 446 | ཁྱེད་རང་གི་ལྟོ་ཕད་ནང་ག་རེ་བླུགས་ཡོད། | What have you put into your bag? |
| 447 | ཤེལ་དམ་མར་ཟག་ན་ལམ་སང་ཆག་གི་རེད། | If the glass bottle falls down, it immediately breaks. |
| 448 | དེང་སང་ཀུ་ཤུ་ཀི་ལོ་གཅིག་ལ་སྒོར་མོ་བརྒྱད་ཅུ་རེད། | These days a kilo of apples is 80 [Rs]. |
| 449 | ཁམ་བུ་དེ་ཚོ་མངར་མོ་ཞེ་པོ་གཅིག་འདུག | These peaches are very sweet. |
| 450 | ཚ་ལུ་མ་དེ་ཚོ་སྐྱུར་མོ་འདུག་གས། མི་འདུག་མི་འདུག །མངར་མོ་འདུག | Are those oranges sour? – No, no! They are sweet. |
| 451 | ཁྱེད་རང་ལ་ཤིང་ཏོག་སྐམ་པོ་སྟར་ཁ་དེ་འདྲས་ཡོད་པས། | Do you have dry fruits, such as walnuts? |
| 452 | སྟར་ཁ་དེ་ཚོ་བཅུད་ཆེན་པོ་ཞེ་དྲག་ཡོད་རེད། | Walnuts are extremely nutritious. |
| 453 | ང་ལ་ཤ་རྫུན་མ་ཀི་ལོ་ཕྱེད་ཀ་གནང་རོགས་གནང་། | Please give me half a kilogram of soya chunks! |
| 454 | ང་ཁ་ལག་གི་དྲི་མ་ཁ་དུས་གྲོད་ཁོག་ལྟོགས་ཀྱི་འདུག | When I smell the smell of food, I get hungry. (Lit. am hungry) |
| 455 | སྤོས་འདི་ག་ནས་ཉོས་ཡིན། དྲི་མ་ཞིམ་པོ་ཞེ་དྲག་འདུག | Where did you buy this incense? (Its) smell is very good. |
| 456 | དེབ་ལྟ་དུས་མིག་ཤེལ་གོན་དགོས་རེད། | When reading books, one has to wear glasses. |
| 457 | ཕྲེང་བ་འདི་ལ་སྒོར་མོ་ག་ཚོད་རེད། | How much is this prayer beads? |
| 458 | གོས་ཐུང་ལྗང་ཁུ་དེ་ང་ལ་གཅིག་སྟོན་རོགས་གནང་། | Please show me those green pants for a second! |
| 459 | ཚོང་ཁང་འདི་ལ་སྟོད་ཐུང་དང་ཕྱུ་པ་དང་ཞྭ་མོ་ལ་སོགས་པའི་དུག་སློག་འདྲ་མི་འདྲ་ཡོད་རེད། | In this shop, there are various clothes, such as shirts and Tibetan style dresses, hats, etc. |
| 460 | ཨོ། ཞྭ་མོ་འདི་ཁྱེད་རང་ལ་ལེན་པོ་ཞེ་དྲག་འདུག | Oh! This hat really suits you! |
| 461 | དང་པོ་ང་ཚོ་ཉོ་ཆ་བརྒྱབ། དེ་ནས་ཁ་ལག་བཟོ་དགོས། | First, I will do shopping, then I will make food. |
| 462 | ཁྱེད་རང་གི་སྦག་སྦག་དེ་ང་ལ་བཙོང་གི་ཡིན་པས། | Will you sell me your motorbike? |
| 463 | ངས་ཉིན་མ་རྟག་པར་ཆུ་མངར་མོ་ཤེལ་དམ་རེ་རེ་ཉོ་གི་ཡོད། | Every day, I buy a bottle of cold drinks. (Lit. sweet water). |
| 464 | ཨ་ཅག་ལགས། བཞེས་བག་གཟིགས་དང་། བཞེས་བག་འདི་ཚོ་མངར་མོ་དང་སོབ་སོབ་ཡིན། | Dear sister, buy the bread; this bread is sweet and soft. (H) |
| 465 | སྟར་ཁ་ཞིམ་པོ་མི་འདུག་ན་ཚུར་བསློགས་ན་འགྲིག་གི་རེད། | If the walnuts are not tasty, it is fine if you bring them back. |
| 466 | མོ་ཊའི་སྣུམ་གོང་སྤར་གི་རེད་ཟེར་གི་འདུག | It is said that (somebody) will increase the petrol price. |
| 467 | དེ་རིང་ཚོང་ཁང་སྒོ་ཕྱེ་གི་རེད། | The shop will open today. |
| 468 | སྒོ་ཡག་པོ་བརྒྱབ་ན་མ་གཏོགས་རྐུན་མ་ཡོང་གི་རེད། | Unless you close the door well, thieves will come. |
| 469 | མོག་མོག་འདི་ཞིམ་ལོད་ག་འདྲས་འདུག་གཅིག་ལྟོས་དང་། | Taste what this momo is like! |
| 470 | ཁ་ཟས་འདི་ཚོ་ཞིམ་ལོད་གཅིག་གཟིགས་དང་། གཅིག་གཉིས་མཆོད་དང་། | Taste these khabsey; have one or two! (H) |
| 471 | ཁོང་ཁ་སང་ཐོག་ཁ་ནས་མར་ཟག་པ་རེད། | (S)he fell from the roof / terrace yesterday. |
| 472 | ཁྱེད་རང་གི་ཡིག་ཚད་འདི་སློབ་ཕྲུག་གཞན་དག་ལ་མ་སྟོན་ཨ། | Do not show this exam of yours to the other students! |
| 473 | དཔེ་ཆ་ག་ས་ག་ལ་མ་གཞག་རོགས་གནང་། | Do not put the pechas everywhere! |
| 474 | རྒན་ལགས་ཀྱིས་ང་ལ་བྱི་རིལ་ཞིམ་པོ་གཅིག་གནང་བྱུང་། | (Our) dear teacher gave me a nice toffee. |
| 475 | ངའི་འོ་མ་རུལ་སོང་། | My milk went rotten. |
| 476 | ཁྱེད་རང་ལ་ཞོ་བཙོང་ཡག་ཡོད་པས། དགོངས་དག །ད་ལྟ་རང་རྫོགས་སོང་། | Do you have yogurt to sell? I’m sorry, I just ran out of it. |
| 477 | ཚྭ་གོང་ཁེ་བོ་ཞེ་དྲག་རེད། | Salt is very cheap. |
| 478 | ཉི་ཧོང་ནས་ཐོན་པའི་ཅ་ལག་མང་ཆེ་བ་སྤུས་དག་པོ་ཡོད་རེད། | Most stuff coming from Japan is of excellent quality. |
| 479 | ངའི་བསམ་པ་ལ་ངང་ལག་འདི་ཚོ་ཚོས་མི་འདུག །ལྗང་ཁུ་རང་རེད། | In my opinion, these bananas are not ripe, they are grass green! |
| 480 | རྒྱ་གར་བས་ཇ་མངར་མོ་ཞེ་པོ་གཅིག་བཟོ་གི་རེད། | Indians make tea very sweet. |
| 481 | ཆང་དེ་སྐྱུར་མོ་རེད་བཞག | This chang is sour. |
| 482 | པི་ཛ་དེ་དངོས་གནས་བྲོ་བ་ཆེན་པོ་འདུག | This pizza is really tasty. |
| 483 | སང་ཉིན་གུང་སེང་རེད། ཡག་ག་ལ། | How cool! Tomorrow is a holiday! |
| 484 | ཁ་ཟས་དེ་ཚོ་ང་རང་གིས་ཉི་མ་རྟག་པར་སོས་པ་སོས་རྐྱང་བཟོ་གི་ཡོད། | Daily, I make those Tibetan cookies. So, they’re extremely fresh. |
| 485 | ཕྱུ་པ་འདི་ཁྱེད་རང་ལ་དངོས་གནས་ལེན་པོ་ཞེ་དྲག་འདུག | This Tibetan dress suits you really very well! |
| 486 | གཞན་དག་ག་རེ་ག་རེ་དགོས། | What else do you need / want? |
| 487 | དེ་འདྲས་ཡིན་དུས་ང་ལ་ཀི་ལོ་ཕྱེད་ཀ་གཅིག་པུ་གནང་རོགས་གནང་། | Since this is the case, please just give me half a kilo! |
| 488 | ངའི་བསམ་པ་ལ་འདི་གོང་ཏོག་ཙམ་ཆེ་དྲགས་འདུག | In my opinion, this is a little bit too expensive. |
| 489 | ཏོག་ཙམ་བསྒུག་རོགས་གནང་། | Please wait a moment. (lit. a bit) |
| 490 | ད་དུང་ང་ལ་ཤིང་ཏོག་སྐམ་པོ་དང་ཆུ་མངར་མོ་དགོས་ཀྱི་ཡོད། | I still need dry fruits and soft drinks. |
| 491 | ཁྱེད་རང་ངང་ལག་ལ་དགའ་པོ་ཡོད་པས། | Do you like bananas? |
| 492 | ངའི་ཅོ་ཅོ་ལྡི་ལི་ལ་ཚོང་རྒྱག་གི་ཡོད་རེད། | My older brother does business in Delhi. |
| 493 | ཁྱེད་རང་གི་ཕྲེང་བ་འདི་ཡག་པོ་འདུག །ཡིན་ནའི་གོང་ཏོག་ཙམ་ཆེ་དྲགས་བཞག | This prayer beads of you, is good, but it is a bit too expensive. |
| 494 | དེ་ཞག་ཚལ་གོང་འཕར་བཞག | Recently, the vegetable prices went up. |
| 495 | ཚོང་པ་ཁ་ཤས་ཅ་ལག་གི་གོང་ཁྱོན་ནས་གཅོག་གི་མི་འདུག | Some businessmen do not give any discount at all. |
| 496 | འབྲས་གོང་ཆག་ཡོད་རེད། ཡིན་ནའི་གྲོ་ཞིབ་གོང་འཕར་ཡོད་རེད། | Rice got cheaper, but flour got more expensive. |
| 497 | ཚོང་པ་ཁ་ཤས་ཀྱིས་མགོ་སྐོར་གཏོང་གི་ཡོད་རེད། | Some businessmen cheat. |
| 498 | མགྲོན་ཁང་མང་ཆེ་བ་གོང་ཆེན་པོ་རེད། | Most hotels are expensive. |
| 499 | ཨ་མ་མ། ཐང་ག་འདི་གོང་ཆེ་བ་ལ། ད་ཉོ་ཐུབ་ས་མ་རེད། | Oh my dear! How expensive is this thanka! So, I’ll probably not be able to buy it. |
| 500 | ཁྱེད་རང་ཀི་ལོ་གསུམ་ཉོས་ན་ངས་ཀི་ལོ་རེ་རེར་སྒོར་མོ་བརྒྱ་དང་ཉི་ཤུ་ལ་གཏང་དགོས། | If you buy three kilos, I’ll give you each kilo for 120 rupees. |
| 501 | ཤ་བག་ལེབ་དེ་ཚོ་མ་བཟས་ན་འཕྲོ་བརླག་འགྲོ་གི་རེད། | If you don’t eat this meat bread, it will go to waste. |
| 502 | ཁྱེད་རང་ལ་དུས་ཚོད་སྟོང་པ་ཡོད་པས། | Do you have free time? |
| 503 | བོད་སྐད་ཀྱི་བརྡ་སྤྲོད་ལ་དུས་ད་ལྟ་བ་དང་། དུས་མ་འོངས་པ་དང་། དུས་འདས་པ་བཅས་དུས་གསུམ་ཡོད་རེད། | In Tibetan grammar, there are three times: Present tense, future tense and past tense. |
| 504 | འདས་པའི་ལོ་ཁ་ཤས་ནང་ལ་ངས་སློབ་སྦྱོང་ཧུར་ཐག་བྱས་པ་ཡིན། | In the past few years, I studied diligently. |
| 505 | ད་ལྟ་ཆུ་ཚོད་ག་ཚོད་རེད། | What is the time now? |
| 506 | ད་ལྟ་ཆུ་ཚོད་དང་པོ་ཟིན་པ་ལ་སྐར་མ་ལྔ་འདུག | It is five to one. |
| 507 | སྐར་ཆ་དྲུག་ཅུ་ལ་སྐར་མ་གཅིག་རེད། | 60 seconds are one minute. |
| 508 | ཆུ་ཚོད་ཕྱེད་ཀའི་རིང་ལ་སྨོན་ལམ་བརྒྱབ་རོགས་གནང་། | Please do prayers for (lit. during) half an hour! |
| 509 | ང་ལ་བོད་པའི་ལོ་ཐོ་གཅིག་ཡོད། དེའི་ནང་ལ་ཚེས་བཟང་དུས་བཟང་ཚང་མ་བྲིས་ཡོད་རེད། | I have a Tibetan calendar. All the auspicious days are written in it. |
| 510 | གཟའ་ལྷག་པ་སྐུ་མདུན་གྱི་བླ་གཟའ་རེད། | Wednesday is the soul day of His Holiness. |
| 511 | ང་ཉིན་མ་རྟག་པར་ལས་ཀ་ལ་འགྲོ་དགོས་རེད། | I have to go to work every day. |
| 512 | ང་ལྡི་ལི་ལ་ཞག་པོ་གཅིག་མ་གཏོགས་བསྡད་མེད། | I only stayed one day and night in Delhi. |
| 513 | གཟའ་ཟླ་བ་རྗེས་མ་ལ་འཆར་གཞི་ཡོད་པས། | Do you have plans for next Monday? |
| 514 | ང་གཟའ་མིག་དམར་རྟག་པར་ཆོས་ཚོགས་ལ་སྒོམ་རྒྱག་གར་འགྲོ་གི་ཡོད། | I go to meditate at the Dharma center every Tuesday. |
| 515 | བོད་པ་ཁ་ཤས་གཟའ་ལྷག་པ་ལ་ཤ་མེད་ཁ་ལག་རྐྱང་རྐྱང་ཟ་གི་ཡོད་རེད། | Some Tibetans eat only vegetarian food on Wednesdays. |
| 516 | ཁྱེད་རང་གཟའ་ཕུར་བུ་སྔོན་མར་གློག་བརྙན་ཁང་ལ་ལྟད་མོ་ལྟ་གར་ཕེབས་མེད་པས། | Did you not go and see the movie at the cinema last Thursday? |
| 517 | ང་ཚོ་གཟའ་པ་སངས་དགོང་དག་ཆུ་ཚོད་དྲུག་པ་ལ་འཐོན་ཡག་ཡིན། | We will depart on Friday night at 6 p.m. |
| 518 | དེ་རིང་ཁྱེད་རང་ནང་ལ་བསྡད་གི་ཡིན་པས། | Will you stay home today? |
| 519 | སང་ཉིན་ངའི་སྐྱེ་སྐར་རེད། | Tomorrow is my birthday. |
| 520 | གནངས་ཉིན་ང་ཚོ་གུང་སེང་རེད། | The day after tomorrow, we have a holiday. |
| 521 | གཞེས་ཉིན་ཀ་ང་ཉེན་རྟོག་ལས་ཁུངས་ལ་འགྲོ་གི་ཡིན། | After three days, I’ll go to the police office. |
| 522 | ཁ་སིང་ཁྱེད་རང་བལ་ཡུལ་ལ་ཕྱིན་པ་རེད་པ། | You went to Nepal the other day, right? |
| 523 | ཉེ་ཆར་ང་ཚོ་མཚོ་པདྨ་ལ་ཕྱིན་པ་ཡིན། | Recently, we went to Tso Pema. |
| 524 | ཉིན་མཚན་གསུམ་གྱི་རིང་ལ་ངས་ཁ་ལག་ཡག་པོ་བཟས་མེད། | Three days and nights I haven’t eaten well. |
| 525 | ངས་ཉིན་ལྟར་སློབ་སྦྱོང་བྱེད་ཀྱི་ཡོད། | I study every day. |
| 526 | ཁ་ས་ཉི་མ་ཉིན་གང་ཆར་པ་བཏང་སོང་། བྱས་ཙང་ཕྱི་ལོགས་ལ་ཕྱིན་མེད། | Yesterday, it rained all day long, so I did not go outside. |
| 527 | བདུན་ཕྲག་གཅིག་གི་རྗེས་ལ་ང་ཚོ་ལ་ཡིག་ཚད་ཡོད་རེད། | One week later we’ll have our exam. |
| 528 | ལོ་གསར་རན་པ་ལ་ཟླ་བ་གཉིས་ཡོད་རེད། | There are two months until New Year. (lit. until it is time for losar) |
| 529 | ད་ལྟ་བོད་ཟླ་ག་ཚོད་རེད། | What Tibetan month is now? |
| 530 | སྤྱི་ཟླ་གཉིས་པའི་ཚེས་པ་གསུམ་ལ་ངའི་སྐྱེ་སྐར་རེད། | My birthday is one the 3rd of February (2nd. Gregorian month). |
| 531 | གཅིག་བྱས་ན། སྤྱི་ཟླ་དང་པོའི་ནང་གངས་གཏང་གི་རེད། | Maybe in January it will snow. |
| 532 | སྤྱི་ཟླ་གཉིས་པ་ལ་༧རྒྱལ་བ་རིན་པོ་ཆེའི་གསུང་ཆོས་ཡོད་རེད། | In February, there is a teaching by His Holiness. |
| 533 | དེ་རིང་ཚེས་པ་ག་རེ་རེད། དེ་རིང་ཚེས་པ་ག་ཚོད་རེད། | What date is today? |
| 534 | ང་ཚེས་བཟང་དུས་བཟང་ལ་སྐོར་ར་ལ་འགྲོ་གི་ཡོད། | On the auspicious days, I go to (do) kora. |
| 535 | ང་ཚོ་དུས་རབས་ཉི་རྩ་གཅིག་པའི་ནང་པ་བྱེད་དགོས་རེད། | We have to be (lit. do) 21st century Buddhist! |
| 536 | རྒྱུ་ནོར་དེ་ཚོ་མི་རབས་མང་པོའི་རིང་ལ་བསགས་པ་རེད། | This wealth has been accumulated in many generations. (lit. during) |
| 537 | ང་ལོ་ལྟར་རེ་བཞིན་ནང་ལ་གུང་སེང་འགྲོ་གི་ཡོད། | I go home for my holidays every single year. |
| 538 | ཁྱེད་རང་གི་ལོ་རྟགས་ག་རེ་རེད། | What is your astrological sign? |
| 539 | ཁྱེད་རང་སྤྱི་སྤྱོད་རླངས་འཁོར་ལ་ལྡི་ལི་བར་དུ་འགྲོ་ཡག་ཡིན་པས། | Are you going to Delhi by bus? |
| 540 | ང་མེ་འཁོར་ནང་ལ་འགྲོ་ཡག་ལ་དགའ་པོ་ཡོད། | I like to go by train. |
| 541 | གནམ་གྲུ་ལ་འགྲོ་ན་ཁོར་ཡུག་ལ་གནོད་ཀྱི་རེད། | If one goes by plane, it is harmful for the environment. |
| 542 | ཁྱེད་རང་གི་གུང་སེང་ག་དུས་འགོ་ཚུགས་ཀྱི་རེད། | When will your holidays start? |
| 543 | ནམ་རྒྱུན་སྤྱི་སྤྱོད་རླངས་འཁོར་ཞོགས་གས་ཆུ་ཚོད་ལྔ་དང་ཕྱེད་ཀ་ལ་འབྱོར་གྱི་རེད། | Usually, the bus reaches at 5.30 in the morning. |
| 544 | ནམ་རྒྱུན་ཁྱེད་རང་ཞོགས་གས་ཆུ་ཚོད་ག་ཚོད་ལ་ཡར་ལངས་གི་ཡོད། | What time do you usually get up in the morning? |
| 545 | པུ་གུ་ཆུང་ཆུང་དེ་ཚོ་དགོང་དག་ཆུ་ཚོད་བརྒྱད་པ་ལ་ཉལ་དགོས་རེད། | The small kids have to sleep at 8 p.m. |
| 546 | ད་ལྟ་ཆུ་ཚོད་བཅུ་པ་ཟིན་པ་ལ་སྐར་མ་བདུན་འདུག | Now it is seven to ten. |
| 547 | ཁྱེད་རང་ཞེ་དྲག་འགོར་སོང་། ག་རེ་བྱེད་གིན་བསྡད་པ་ཡིན། | You took very long. What were you doing? |
| 548 | ན་ནིང་བོད་པའི་ལོ་གསར་དང་ངའི་སྐྱེས་སྐར་དུས་མཉམ་དུ་འཁེལ་སོང་། | Last year, the Tibetan New Year and my birthday happened to be on the same date. |
| 549 | གུང་སེང་སྐབས་ལ་ག་པར་འགྲོ་ཡག་ཡིན་མིན་གཏན་འཁེལ་མ་སོང་། | It has not been decided (yet) where I’ll be going in my holidays. |
| 550 | ཁྱེད་རང་རྡ་བཤོད་ལ་འགྲོ་དགོས་འདུག་མི་འདུག་ལྟ་གིན་ལྟ་གིན་བྱེད། | Decide as you go whether you need to go to Dharamsala or not! |
| 551 | དང་པོ་ང་ཚོ་འཆར་གཞི་ཡག་པོ་གཅིག་བཟོ་དོ། | First, let us make a good plan! |
| 552 | ང་ཉིན་གུང་གི་ཁ་ལག་གྲ་སྒྲིག་བྱེད་གི་ཡོད། | I am preparing lunch. |
| 553 | ཉིན་གུང་ཁ་ལག་ཆུ་ཚོད་ག་ཚོད་ལ་གཏང་གི་རེད། | What time do they serve lunch? |
| 554 | ལོ་སྔོན་མར་དབྱར་ཀའི་སྐབས་ལ་ང་ཚོ་ཚང་མ་གླིང་ག་གཏང་གར་ཕྱིན་པ་ཡིན། | Last year, in the summer we all went on a picnic. |
| 555 | གཟའ་མཇུག་རྗེས་མར་ཁྱེད་རང་ག་རེ་བྱེད་ཡག་གི་འཆར་གཞི་ཡོད། | What are you planning to do next weekend? |
| 556 | ང་ད་ལྟ་ལམ་སང་འགྲོ་གི་ཡིན། | I am now immediately going. |
| 557 | དེ་རིང་གཙུག་ལག་ཁང་ལ་མི་བརྒྱ་ཙམ་འདུག | Today, there were about 100 people at the temple. |
| 558 | ལོ་གསུམ་གི་སྔོན་ནས་ད་ལྟ་བར་དུ་ནང་ཆོས་སྦྱངས་པ་ཡིན། | From three years ago until now, I studied Buddhism. |
| 559 | ད་རེས་ཀྱི་རྒྱལ་བ་རིན་པོ་ཆེའི་འཁྲུངས་སྐར་དུས་ཆེན་སྐྱིད་པོ་ཞེ་དྲག་བྱུང་སོང་། | This time, the birthday celebration of His Holiness was very nice. |
| 560 | མ་འོངས་པ་ལ་ང་དགེ་རྒན་བྱེད་ཀྱི་ཡིན། | In the future, I will become (lit. do) a teacher. |
| 561 | ཁྱེད་རང་གི་ཁ་པར་ཨང་གྲངས་ང་ལ་གཅིག་སྤྲད་རོགས་གནང་། | Please give me your phone number! |
| 562 | ཁ་ས་འཛིན་གྲྭ་ལ་རྒན་ལགས་རྗེས་ལུས་ཐེབས་སོང་། | Yesterday, our dear teacher got late for class. |
| 563 | ཁེ་སང་ང་འཛིན་གྲྭ་ལ་སླེབས་མེད། ཡིན་ནའི་དེ་རིང་ཡོང་པ་ཡིན། | Yesterday, I did not come to class. But I came today. |
Proudly powered by WordPress